أهم أسباب وفاة اللواء عمر سليمان

 

ليلة من ليالي شهر يوليو سنة 2012 خرج علينا الاعلامي السوري فيصل القاسم مذيع قناة الجزيرة وكتب تغريدة على تويتر بتقول ان اللواء عمر سليمان تم اغتياله في سوريا بعد ما قدر الجيش السوري الحر انه يخترق مبنى الامن القومي ويفجره المبنى ده اللي كان بيجتمع فيه عمر سليمان مع اجهزة المخابرات العربية والاسرائيلية.

الأعلان عن مقتل اللواء عمر سليمان في تفجير بسوريا

 ده اللي قاله مزيع قناة الجزيرة هنا طبعا الدنيا اتقلبت في مصر اخطر مدير للمخابرات المصرية و نائب رئيس جمهورية مصر العربية اتقتل واتقتل فين? هناك في سوريا اللي هي كانت في الوقت ده اشبه بالجحيم بسبب حرب الجماعات المسلحة ومحاولة اسقاط حكم بشار الاسد وتكوين جيش جديد اسمه الجيش السوري الحر علشان يحارب الجيش الوطني السوري وهنا حضرتك اكيد في نفسك اسئلة مهمة.

 منها مثلا هو ايه اللي ودى اللواء عمر سليمان لسوريا اصلا؟ هو ما له ومال الخناقة اللي دايرة هناك؟ والسؤال التاني هو ازاي راح اجتمع مع مديرين المخابرات العربية والاسرائيلية وهو اصلا في الوقت ده مكنش مدير للمخابرات اللي اتولى رئاسة المخابرات المصرية بعد ثورة يناير اللواء مراد موافي.

أقرأأيضا:ماذا ربحت تركيا بخيانة روسيا لصالح حلف الناتو

 وبالتالي السؤال هنا عمر سليمان كان قاعد في سوريا من قادة اجهزة المخابرات العربية والاسرائيلية بصفته ايه? وازاي كان فعلا في تفجير مبنى الامن القومي السوري ليه مصر اعلنت وفاته في مستشفي في امريكا بمرض السرطان وازاي كانت الدولة المصرية بتكذب ليه مستشفى كليفلاند ما كزبتهاش وطلعت تصريح رسمي تقول فيه انه فعلا مات في انفجار سوريا. 

او على الاقل يا سيدي الراجل جاي لنا ميت في انفجار بالمناسبة مستشفى كليفلاند من اكبر المستشفيات في العالم يعني تقدر بكل سهولة تنفي اللي مصر قالته لكن هنا برضو سؤال هو لو فعلا مات في امريكا بسبب السرطان ليه وفاته كانت في نفس وقت انفجار سوريا? ما هي برضه صدفة غريبة.

 اقول لك الله ينور عليك المهمة تعال بقى نجاوب عليها بمجرد ما بتبدأ تراجع الايام الاخيرة في حياة اللوا عمر سليمان بعد ثورة يناير بتقف عند نقطة مهمة جدا نقطة تقدر من خلالها انك ترتب مراكز القوة في مصر خلال الوقت ده وخلال اي وقت الحقيقة طيب انا ليه بقول لك كده? لان عمر سليمان الوحيد من بين نظام مبارك اللي ما توجهلوش اي اتهام جنائي او اتهام رسمي باي جريمة.

 أقرأعن:إنعقاد القمة السنوية لحلف الناتوا في العاصمة فيلينوس

بالبلدي كده ده الراجل الوحيد اللي ما اتحاكمش ولا اتحقق معه رئيس الجمهورية نفسه اتحقق معه ودخل قفص المحكمة لكن عمر سليمان محدش قدر يقرب منة حتى لما حب يخرج من البلد ما حدش وقفه في المطار ولا قال له انت رايح فين ولا جاي منين رغم انه خلاص في الوقت ده كان نفوزه على الارض انتهى.

 الا انه سافر الامارات والمانيا ولندن وامريكا بدون ما حد يقول له ورينا بطاقتك حد طيب هل اللي حصل ده بقى لانه جامد يعني وما فيش منه اتنين ولا لان ربنا هو اللي اراد يحميه لحد ما هو نفسه يقابل وجه كريم ما حدش يقدر يحدد لكن هو ده اللي حصل.

الأيام الأخيرة في حياة اللواء عمر سليمان وهل فعلامات بسوريا ولا في امريكا؟

وماهو المرض الذي كان مصاب بة اللواء عمر سليمان؟

 الايام الاخيرة في حياة عمر سليمان وهل مات في امريكا ولا في سوريا? في نفس الوقت اللي اعلن فيه اللواء عمر سليمان ترشحه لمنصب الجمهورية كان بيعمل اشعة على صدره تحت اشراف رئيس قسم الاشعة في مستشفى وادي النيل التابعة لجهاز المخابرات نتيجة الاشعة اكدت ان اللواء عمر سليمان مصاب بمرض اسمه الميزو فيليوما.

 والمرض ده عبارة عن ورم خبيس بيصيب الغشاء البلوري المحيط بالرئة وهنا وبمجرد ما اللواء عمر سليمان اكتشف اصابته بالمرض الخبيس قرر انه ينسحب من انتخابات الرئاسة رغم الدعم الدولي اللي بدأ من السعودية.

 وهنا فية معلومة مهمة خليني اقولها لك في الوقت ده جمارك مطار القاهرة حجزت خمس صناديق جايين من السعودية فيهم الف تيشرت مطبوع عليهم صورة عمر سليمان وكانوا جايين هدية من حد مهم جدا هناك كان باعتهم هدية للوا عمر سليمان كنوع من الدعم والتشجيع على دخول الانتخابات الرئاسية.

إنسحاب اللواءعمرسليمان من أنتخابات الرئاسة وماهو السبب المعلن

 الا ان عمر سليمان فاجئ الكل وانسحب من الانتخابات حضرتك تقول لي بس عمر سليمان ما انسحبش من الانتخابات عمر سليمان تم استبعاده من الانتخابات اقول لك كلامك صح؟ هو فعلا تم استبعاده لكن ما سألتش نفسك تم استبعاده ليه ؟ هاقول لك انا.

 السبب المعلن انه ما قدرش يلم توكيلات من 15 محافظة وهنا السؤال لحضرتك تفتكر ان اللوا عمر سليمان مدير المخابرات المصرية ما كانش قادر يجمع توكيلات من 15محافظة ده يلمهم في ساعة يبقى عمر سليمان مش هيقدر يلم التوكيلات لكنه ما عملش كده علشان يوفر غطاء مناسب للانسحاب من الانتخابات بدون ما يضطر يعلن عن اصابته بالسرطان ايه ده انا ما قدرتش اجمع التوكيلات! طب يا جماعة خلاص انا بشكركم جدا سلام عليكم.

بداية رحلة علاج اللواء عمر سليمان بامريكيا

وهنا بقى تعال نرجع لمستشفى كليبلاند الامريكية واللي المفروض حسب رواية الدولة المصرية عمر سليمان مات فيها هوصل معك لانفجار سوريا ما تقلقش خلينا نبدأ من امريكا لان حصلت هناك تفصيلة صغيرة انت نفسك هتقف عندها.

 المفروض ان عمر سليمان بدأ رحلة علاجه من المانيا وهناك وبسبب مرضه كانت بتتجمع مية كتير على الرئة فاضطروا انهم يعملوا له عملية بزل علشان يسحبوا له الماية دي ويقدر يتنفز بشكل طبيعي لكن وهم بيفحصوه في المانيا اكتشفوا انه مصاب بمرض اسمه الداء النشواني وده مرض خطير جدا عبارة عن تراكم البروتين في خلايا الجسم.

 المرض بيدمر الجهاز المناعي وبيعتبر كل اجهزة الجسم الحيوية مجرد اعداء لازم يتخلص منهم فبيدمر الاعضاء الحيوية زي القلب والرئة وغيرهم من الاعضاء المهم بمجرد ما اكتشفوا اصابة عمر سليمان بالمرض قالوا له ان ما عندناش علاج للمرض ده.

أسباب رفض سفر اللواعمرسليمان الي امريكا للعلاج

 وان المكان الوحيد اللي ممكن تلاقي علاجك فيه هو مركز كليبلاند الطبي في امريكا هنا عمر سليمان رفض السفر لامر وده لسبب بسيط هو انه كان عارف كويس ان المخابرات الامريكية ما بتحبوش خصوصا بعد ما بوظلهم محاولة توطين سبعمية وخمسين الف فلسطيني في سينا.

 المخابرات الامريكية والموساد كانوا بيحاولوا ينقلوا سبعمية وخمسين الف لسيناء والموضوع ده كان رئيس مبارك بنفسه لما قال انه قبل ثورة يناير بست شهور بس جاله بنيامين نتنياهو رئيس وزراء اسرائيل وجاب له خريطة كبيرة كده وفردها قدامه وقال له يا سيادة الرئيس دي غزة ودي حدودنا.

موقف الرئيس السابق حسني مبارك في محاولة توطين الفلسطنين في سيناء قبل ثورة ينايرب6 شهور

ايه رأيك بس لو نقلنا شوية في الحتة دي وشاور له كده على سيناء فكان رد الرئيس مبارك واضح ومباشر بان ما فيش الكلام ده والموضوع ده ما يتفتحش تاني لكن نتنياهو استمر في كلامه وحاول يقنع الرئيس مبارك بالفكرة فرد عليه مبارك تاني وقال له لا انا ولا اللي اتخن مني يقدر يفرط في شبر واحد الموضوع ده تبقى عايز الحرب تقوم بينا وبينكم من جديد.

 هو ده كان رد مبارك على اسرائيل قبل ست شهور بس من ثورة يناير ودي الحقيقة حاجة تخليك تقعد تفكر في تفاصيل كتير بس مش موضوعنا دلوقتي المهم اسرائيل ما يأستش واستمرت محاولاتهم لتوطين في سيناء عن طريق عمر سليمان لكنهم اكتشفوا ان موقفه زيه زي مبارك بالزبط.

 وبالتالي عمر سليمان كان عارف كويس جدا ان لافية حد بيحبوه في اسرائيل ولا في امريكا وبناء عليه رفض يسافر لكن مع زيادة الالم وتدهور حالته الصحية اكتر واكتر خصوصا بعد ما خسر من وزنه 15كيلو وهو كان رفيع اصلا مع ضغط الناس اللي حواليه بانه يسافر يتعالج وافق فعلا وبدأت الاتصالات مع الجانب الامريكي لسفر اللوا عمرسليمان.

شروط الجانب الامريكي لأستقبال اللوا عمرسليمان في المستشفي

رئيس الجمهورية للعلاج فكان الرد الامريكي بانه والله ما فيش مشكلة بس بشرط ايه يا فندم الشرط ده? قال لك انه يجي لنا عن طريق الامارات وبدون ما حد يعلن انه مسافر امريكا للعلاج ما تعرفوش حد طيب ليه يا جماعة القلق ده? ده انتم لو عاملين لي كمين مش هتطلبوا الطلب ده.

تاريخ دخوال اللواء عمر سليمان المستشفي الامريكي كليفلاند

 لكن تمام ما فيش مشكلة الدنيا مشيت وما حدش اعلن سفره لامريكا المهم سافر اللواء عمر سليمان ووصل امريكا الساعة عشرة وربع يوم 16 يوليو سنة 2012 ودخل مستشفى كليفلاند وكان رقمه الطبي سبعمية وتمانية اربعة امريكا. سبعمية تلاتة وعشرين.

 والطبيب المسئول عنه كان اسمه راندال سي ستارنج وبمجرد دخول المستشفى خد بالك بقى من التفصيلة دي اتاخد من جسمه 16 عينة لتحليلها مسحة حيوية من الرئة والطحال والكبد والامعاء.

 زائد عينتين دم وعينة من البول والبراز وخصلة من الشعر ومسحة بيولوجية من الجلد مع عينة تانية من المريء والبلعوم عينة مركزة من النخاع الشوكي والدم اما بقى التفصيلة المهمة اللي نبهتك لها من شوية فهي ان القانون الامريكي بيفرض على كل المستشفيات.

لماذا المستشفيات الامريكية تحتفظ بهذه العينات لمدة لا تقل عن عشر سنين

 انها تحتفظ بكل العينات اللي اتاخدت من المريض مع تقرير الحالة الطبية والاشاعات وتفاصيل رسم القلب والمخ لمدة عشر سنين كاملة عشر سنين كاملة لازم المستشفيات الامريكية تحتفظ فيهم بكل عينات المريض وبياناته وتقاريره الطبية.

 في مكان اسمه الارشيف الحيوي ليه يا فندم لازم تحتفظ بهم عشر سنين? قال لك لان اهل المريض اللي توفى ده ممكن ييجوا خلال العشر سنين ويقولوا لك والله احنا شاكين في موته وعايزين نحقق في اللي حصل فالمستشفى تقول لك والله ما فيش مشكلة ادي العينات وادي التقارير الطبية افحصوها زي ما انتم عايزين.

 طيب اللي يخالف التعليمات دي بقى يحصل له ايه? يعني لو جت مستشفى مثلا وخالفت التعليمات دي يحصل لها ايه? السجن عشر سنين غرامة على المستشفى كلها عقوبة ادارية ممكن توصل لقفل المستشفى بالكامل سحب تراخيص مزاولة المهنة وتعويضات ممكن توصل لملايين الدولارات لاهل المتوفين.

 هو ده نص القانون الامريكي لكن ورغم كل العقوبات دي الا ان اللي حصل مع اللواء عمر سليمان كان مخالف للقانون الامريكي لان بمجرد وفاته كل عيناته وتقاريره اختفت من المستشفى 16 عينة اختفوا من المستشفى تماما.

إختفاء عينات اللواء عمر سليمان من المستشفي الأمريكي

 فص ملح وداب وديت العينات فين يا فندم هاحبسك واقفل لك المستشفى قال لك استنى بس العينات موجودة لكن بمجرد وفاة اللواء عمر سليمان اتوجهت لي اوامر اني اقسمها لتلات اجزاء.

 جزء سلمته المخابرات الامريكية وجزء لهيئة الامن القومي الامريكي الجزء التالت للمباحث الفيدرالية وبالتالي مفيش اي عقوبة هتتوقع للمستشفى لانها بكل بساطة مضيعتش العينات هي سلمتها للاجهزة الامنية المختصة وابقى روح انت بقى خد العينات بتاعتك من المخابرات الامريكية

 طيب تمام مفيش مشكلة يا مخابرات يا امريكية انا عايز عينات المريض بتاعي لو سمحت قالت لك للاسف والله المريض ده يبقى مدير مخابرات وبناء عليه اي معلومات عنه او عن حالته الصحية او وفاته فهي اسرار تندرج تحت قائمة الامن القومي الامريكي.

 وبالتالي مش هيتم الكشف عنها غير بعد خمسين سنة يدينا ويديك طولة العمر بقى ان شاء الله وفعلا اتحدد يوم 19 يوليو 2062 للافراج عن ملف اللواء عمر سليمان اللي هو بعد مرور خمسين سنة يعني.

 طيب هو مين اللي نشر التفاصيل دي? مين اللي قال المعلومات دي? اللي نشرتها صحيفة روزاليوسف المصرية على صفحتها الاولى يوم 3 اغسطس سنة 2012 وهنا تحصل مفاجأة تانية.

أتهام السيد محمد فريد زكريا المخابرات الامريكية بأغتيال اللواء عمر سليمان

 يطلع السيد محمد فريد زكريا ده عضو سابق في مجلس الشورى المصري ورئيس حزب احرار السورة ويقدم بلاغ رسمي للنائب العام يتهم فيه المخابرات الامريكية باغتيال عمر سليمان طيب بنيت اتهامك ده على ايه يا فندم? قال لك انه كانت بتربطه علاقة صداقة قوية.

 مع اللوا عمر سليمان في جاة منه تليفون طلب فيه مقابلته وقتها عمر سليمان كان في مستشفى وادي النيل وبمجرد ما اتقابلوا اللوا عمر سليمان قال له انا اخترتك من بين كل اللي حواليا لان المخابرات الامريكية ما تعرفكش.

 ولا ولا تعرف علاقتي بك وعايز اقول لك على شوية معلومات تعلنها لو جرى لي حاجة قال له خير يا فندم قال له انا المخابرات الامريكية قدرت تصيبني باشعة متطورة كانت نتيجتها هي فشل وظائف اجهزة الجسم وزي ما انت شايف خسرت من وزني 15 كيلو في ايام بسيطة.

أقرأعن:أنسحاب مصر من اتفاقية الحبوب ماهي النتائج المتوقعة

 ده بسبب رفضي لمخططهم بتوطين سبعمية وخمسين الف فلسطيني جوة سينا والاخطر اني قلت في وسائل الاعلام ان انا هفتح الصندوق الاسود وانشر كل الاسرار اللي اعرفها اللوا عمر سليمان كان اتصل بالاعلامي عمرو اديب وقال له انه هيفتح الصندوق الاسود الدنيا كلها باللي فيها لو حد قرب له.

 وطبعا ما فيش جهاز مخابرات هيوافق ان عمر سليمان يفضحه معروفة يعني دي قوانين بتحكم اجهزة المخابرات انت بقى تشوفها ظالمة تشوفها قاسية هي دي قوانين المخابرات بيكمل السيد محمد فريد زكريا وبيقول بعدها بدأت رحلة علاج عمر سليمان اللي بدأت من المانيا وانتهت في امريكا. 

علشان يرجع منها على قبره في مصر بالمناسبة ودي معلومة على جنب كده اللوا عمر سليمان لما توفى كان الاخوان تولوا الحكم في مصرورفضوا يبعتوا طيارة تجيب جثته من امريكا وهنا تدخل رجل الاعمال نجيب ساويرس وبعت طيارته الخاصة هي اللي جابت جسمان اللواء عمر سليمان. ودي حاجة تحسب لنجيب ساويرس الحقيقة.

 تقريبا كان هو اول واحد يتحدى نظام الاخوان في مصر بعد توليهم السلطة حضرتك تقول لي طيب وهو بلاغ النائب محمد فريد زكريا ليه ؟ هو مش بلاغ رسمي ولا عشان امريكا بقى وكده ؟ قال لك ان الاجابة ابسط من كده بكتير.

 وهي ان الراجل ما قدمش اي دليل يسبت صحة كلامه يعني اللي قدم دليل يسبت ان عمر سليمان اتقتل ولا دليل يسبت ان عمر سليمان قال له الكلام ده ولا انه قابل عمر سليمان اصلا كله كله مجرد كلام مرسل. 

وبالتالي البلاغ هو مجرد بلاغ بدون ادلة حضرتك تقول لي طيب هو ايه حكاية انه مات في انفجار سوريا? اقول لك ان قصة سوريا بدأها الاعلامي فيصل القاسم مزيع قناة الجزيرة. لما طلع كتب تغريدة على تويتر بان اللوا عمر سليمان كان من بين الناس اللي ماتت في تأ مبنى الامن القومي السوري.

 وهنا في حاجات في اللي قالها صح وحاجات غلط. الصح ان الجيش السوري الحر قدر فعلا يفجر مبنى الامن القومي باللي فيه طيب هم مين بقى اللي كانوا فيه? بشكل مبدئي وزير الدفاع ووزير الداخلية وقاصف شوكت نائب وزير الدفاع السوري صهر الرئيس بشار الاسد.

 وده كان واحد من اهم اركان النظام السوري ومعهم هشام باختيار رئيس المخابرات السورية واللواء حسن تركماني رئيس خلية ادارة الازمة ودول ماتوا فعلا في الانفجار ما حدش يقدر يجادل فيهم.

 اما اللي موتهم في جدال وتقدر تاخد وتدي فيهم هو ما بنعويزش سمير رئيس جهاز المعلومات الخارجية في الشباك الاسرائيلي لان اسرائيل اعلنت موته في فيينا عاصمة النمسا تاني يوم الانفجار.

 والتاني واحد اسمه هاكان فيدان مساعد رئيس الاستخبارات التركية وقتها وده تحديدا لازم تشكك في ليه ؟ لانه لسة عايش اصلا واتولى منصب وزير الخارجية من فترة يعني لا مات ولا اتصاب ولا كان في الاجتماع اصلا.

أقرأيضا:ماذا يحدث في السودان

 وبالرغم من كده تلاقي اسمه منور في الاخبار المضروبة اللي انتشرت على اجتماع قادة المخابرات في سوريا هنا حضرتك ممكن تقول طيب ما قصة بن عويش سمير رئيس جهاز الخارجية في الشباك الاسرائيلي قريبة من قصة موت اللواء عمر سليمان.

 يعني بالبلدي كده ممكن يكونوا ماتوا في الانفجار وطلعت اجهزتهم تاني يوم تقول لك ان كل واحد مات في بلد شكل ده مات في امريكا وده مات في فيينا هنا هاقول لك تعال نفترض ان اللي بيقوله كده كلامهم صح تعال نفكر فيها الراجل الاسرائيلي ده ما اتنشرش حاجة عن موته غير معلومة واحدة وهي مكان الوفاة.

 يعني اسرائيل طلعت يا شعب اسرائيل الراجل ده مات في فيينا بس كده شكرا ده كل اللي عندنا انما موت عمر سليمان بدأ من لحظة استبعاده من الترشح لرئاسة الجمهورية حكت لك من شوية انه كان في الوقت ده اكتشف اصابته بسرطان الرئة.

 وبناء عليه قرر انه يتراجع عن فكرة الترشح للرئاسة ومن هنا بدأت رحلة علاجه تاني حاجة خط سير وتحركاته ما بين المانيا والامارات ولندن وامريكا كلها تحركات دولية تخص كبيرة. اي دولة فيهم تقدر بكل بساطة تطلع تقول لك ايه الكلام الفارغ اللي انتم بتقولوه ده! الراجل ده ما جاش عندنا ولا شفناه انما ما حدش منهم عمل كده.

تعديل المقال