أرض ليها تاريخ كبيروعريق وفي يوم من الأيام كانت هي ومصر دولة واحدة وعلى قد الثروات اللي وهبها ربنا لها على قد معاش شعبها تاريخ طويل من الثورات والصراعات والأنقسامات.
واللي راح ضحىتها الأف من الشعب وأتحولت في النهاية لبلدين وحاليا في حرب شوارع بين قوات عسكرية وقوات شبه عسكرية على أرضها فيا ترى أيه اللي بيحصل في السودان ومين هوالبرهان ومين هوحميدتي في يوم الاربعاء 12من أبريل أصدرالفريق محمد حمدان المعروف باسم حميدتي قرار بتحريك قوات الدعم السريع وعناصر تابعة لها لمنطقة مروي بشمال السودان.
وده بسبب أن الجيش السوداني بقيادة الفريق اول عبدالفتاح البرهان بيحشد قوات ضدهم وبررت قوات الدعم السريع بأن ده حق القانون سمح لهم بضمن المهمات بتاعتهم. لكن الجيش السوداني قال في بيان أن اللي قامت به قوات الدعم السريع ده حصل من غير موافقة قيادات القوات المسلحة أو حتى التنسيق.
عشان في يوم السبت 15 أبريل تبدأ اشتباكات مسلحة عنيفة بين الجيش السوداني وقوات الدعم السريع في العاصمة وأماكن تانية الجيش بيقول ان هدف قوات الدعم السريع السيطرة على مواقع إستراتيجية وقواعد عسكرية بما فيها القصر الجمهوري والقواعد الحربية والمطارات اللي موجودة في الخرطوم ومروي ومدن تانية في أنحاء السودان.
طبعا أنت دلوقتي قاعد بتضرب كف على كف ومش فاهم أيه اللي يخلي جيشين من نفس البلد يحاربوا بعض ومين هم قوات الدعم السريع وأزاي بيضرب في جيش السودان ولذلك خليني أشرح لك أزاي وصلنا للوضع الحالي.
أهم أسباب النزاعات في السودان.
سنة 1899بسقوط الدولة المهدية وأحتلال بريطانيا للسودان وده بعد قتل المندوب البريطاني تشارلزجوردن.
وكاعادة بريطانيا لما بتحتل أي دولة بتمشي بمبدأ فرق تسود وخصوصا لو البلاد دي قايمة على الشكل القبلي أو التعصب الديني زي ما عملت في الهند وغيرها من الدول.
بريطانيا طبقت سياسيتها في منطقتين في السودان وهما الجنوب والغرب ووقتها كان الشمال عبارة عن مسلمين عرب والجنوب كانوا بيعبدوا المذاهب الأفريقية الوثنية وبيتكلموا لغات مختلفة.
إنجلترا كدة حللت الوضع في المنطقة وعلى طول أرسلت رحلات تبشيرية للجنوب عشان تدخل أهلها للدين المسيحي.
وبالمرة تنشر اللغة الإنجليزية هناك وبالفعل وضعت خطة عشان تفصل الشمال عن الجنوب في وقت وجودهم لكن منع الخطة دي وصول الزبطاط الأحرار للحكم في مصرشافت إنجلترا وقتها أن الأحسن والأهم أنها تفصل مصر عن السودان الأول.
وبالفعل نفذت هدفها وخرجت من السودان سنة ستة وخمسين ومن بعدها دخلت السودان في مشاكل وحروب بين الشمال والجنوب حصل فيها شوية أتفاقيات زي أديس أبابا وأتفاقية نفاشة في 2005 وفي النهاية عملوا أستفتاء شعبي في 2011 وبالأغلبية أتقررفصل الجنوب عن الشمال لحد هنا بتنتهي قصة الجنوب.
النزاع في إقليم دارفور.
إقليم دارفوركان بيتعرض للإهمال من بريطانيا بعد الإحتلال وقدرت تعمل فيه مشاكل عرقية وقبلية بين حكام القبائل هناك وده لأن فيه أكترمن ميت قبيلة هناك منهم عرب وأفارقة من الدول الحدودية زي تشاد وأفريقيا الوسطى.
وبسبب غياب السلطة وأنشغالها في حروب الجنوب بدأ السلاح يدخل في الأقليم من ليبيا والدول المحيطة وتتطورت المشاكل بين قبائل الرعي العربية وقبائل الزراعة الأفريقية لما حصلت موجة تصحر وجفاف كبيرة دخلوا في معارك بينهم وبين بعض والأمم المتحدة تتدخلت لأنهاء الموضوع في أحزاب وجمعيات في دارفور وأهمهم حركة تحرير السودان وحركة العدل والمساواة.
عارضوا سياسة عمر البشير ضد دارفوروخرجت جماعات مسلحة من جبال مر عشان تهاجم المناطق العسكرية.
مماتسبب في سقوط ضحايا كتيروبسبب أنشغال السودان في المعارك مع الجنوب كلف عمر البشير جماعات عربية أنها تحارب مكان الجيش السوداني ومدوهم بالأسلحة اللي محتاجينها وكان أسمهم جماعة جنجويد.
وأرتكبوا جرائم حرب وإنتهاكات ضد الستات والأطفال وصل عدد الضحايا بينهم وبين حركات دارفور في سنة الفين وثلاثة ألي 300 ألف قتيل وملايين من المشردين وده على حسب كلام الأمم المتحدة حتى الجمعيات الأهلية والصحية اللي حاولت تساعد دارفور لم تسلم من جامعة جنجاويد وقامت ضرباهم هيا كمان.
وده اللي خلى محكمة العدل الدولية تطالب بمحاكمة عمر البشير في 2009 وكان لسه وقتها في الحكم وفي سنة 2013 عمر البشير قرر يحول جماعة الجنجويد من حركة مسلحة لجهاز تابع للأمن تحت أسم قوات الدعم السريع لكنها مش هتكون تحت قيادة الجيش السوداني وقائدها هيكون هو حميدتي اللي هوحاليا طرف في الصراع اللي بيحصل في السودان.
من هوحميدتي قائد قوات الدعم السريع
اتولى بعدها المجلس العسكري الحكم تحت رئاسة وزير الدفاع عوض بن عوف وبعده اتولى عبدالفتاح البرهان لأنه كان عليه اقبال شعبي وسياسي أكتر منه وتم أتهام قوات الدفاع الشعبي بأنها أرتكبت انتهاكات ضد حقوق الأنسان ومجزرة أتقتل فيها أكترمن 120متظاهرفي يونيو 2019.
لكن مع حجم الثورة ونزول شعب السودان إتخلى حميدتي عن البشير وساعد في النهاية الثورة عشان تطيح به من الحكم. ومنها أصبح نائب للبرهان في قيادة الجيش.
بعد الثورة أتشكلت حكومة مشتركة من المدنيين والعسكريين لكن تم عزلهم في اكتوبر 2021 وده لما أعلن رئيس المجلس السيادي الفريق اول عبدالفتاح البرهان حل مجلسي والوزراء وبعدها اعلن حالة الطوارئ في السودان ومن هنا كانت بداية الخلاف بين قوات حميدتي وقوات البرهان.
اكتب تعليقك لتشيعنا علي الاستمرار